عزل

عزل : شهنواز باقر

غږ: محمد مبین

غزل

حضرت خان حلیمي 

مړه کیدل به څراغونه توره شپه کي

چي راتلل به طوفانونه توره شپه کي

په رڼا ورځ به خپله پکي ګیر وه

اچول يي چي دامونه توره شپه کي

زما ورځ خو له مښامه شروع کیږي

په سر واړوم جامونه توره شپه کي

غزل

خیال حیدرخېل

غمه له تا سره اشناه چا کړم 

زه په خواږو د ژوند دوکه چا کړم

ما مې ژاړه یوازې مور پسې کړه
دا په خندا کې په ژاړه چا کړم

زه لکه ورځ د خوشالو ډکه وم
داسې میراته لکه شپه چا کړم

غزل

 قدرت الله درمان

اوس نو پوی شوم چې ژوند څه دی څه یې خوند دی

 سر مې ایښی د یوې ښکلي په مړوند دی

 د اتڼ په سر کې دنګې پېغلې واوره

 ستا د زلفو په ول،ول کې مې زړه بند دی

  ستا له خولې د عشق خبرې عجیبه ده

 په کیکر کې د ګلاب شوی پیوند دی

غزل

طالب منګل
په هر تصوير کې زه خفه ومه سهي نه راځم
عکاسه نور به تصويرونو ته بيخي نه راځم

له خپل وجود سره له دو ملاقاتونو ورسته

اوس ميکدې ته چې راځمه سودايي نه راځم

پسرلیه

شمال وردګ

راوړه پسرليــــــــــه دګولونـــــــو هار له ځان سره

باران دســـــــروغميوديـــــــاقوتــــواومرجان سره

 زماداميـــدونودښتى غرونـــــــــه مړاوى شوى دى

راوړه څاڅکي څاڅکي د رحمت باران له ځان سره

 مائي دحجران ژمي ســـــاړه ســـــاړه تيرکړى دى