! یاد لره

 انتخاب : جلال الدین جمکزی

سرچینه : ټکی مهالنی خپرونه

·         که دې په ځان باور دی، نو بیا هر څه شوني دي.

·         کله چې دې کوم دوست تېروتنه وکړي، نو د هغه ټولې خوبۍ ( نیکې کړنې) مه هېروه، چې له تا سره یې کړي دي.

·         درد تاته قوت بښي، وېره دې زړور کوي او د زړه ماتېدنه دې هوښیاروي.

·          مرغلره که په ګنده ګۍ کې هم پرېوځي، قدر او قیمت یې نه کمیږي او لوګی که آسمان ته هم وخیژي بې بیې دی.

·          اختلاف مفکوروي په کار دی، شخصي نه او څرګندونې په دلایلو په کار دي، په تذلیل نه.

·         د پوهه د پوهې تر ټولو لوی زکاوت دادی، چې هغه د ناپوهه ناپوهي وزغمي، یعنې د جاهل جهالت برداشت کړي.

·          ژوند کې کله هم همت مه بایله کېدای شي منزل نږدې شوی وي.

·          کله چې ته مخ پورته روان یې، نو دوستانو ته دې پته لګیږي، او کله چې مخ ښکته روان یې، نو خپله تاته پته لګیږي، چې دوستان دې څوک دي.